Para coñecer aos referentes da comunidade LGBT a nivel nacional, preme aquí
Ao longo da historia moitas persoas notorias LGBT denunciaron publicamente a persecución á que se vían sometidos os pertencentes a este colectivo. Na seguinte entrada recollemos as fazañas de quenes loitaron por visibilizar a súa loita e na actualidade son uns referentes a nivel internacional.
Marita Navrátilova: a homosexualidade condicionada polo entorno
Martina Navrátilová é unha tenista checolovaca e posteriormente nacionalizada estadounidense. Naceu en 1956 e descubriu que era homosexual durante a súa adolescencia, algo que naquel momento todavía estaba moi estigmatizado. De feito, nin tan sequera contou co apoio dos seus proxenitores -o seu padrastro chegou a dicir que a súa condición de lesbiana era unha enfermidade e que preferiría que Navrátilová exercese a prostitución antes de declararse homosexual-. Ademais, Checoslovaquia era un país especialmente duro con aqueles que decidían saír do armario (segundo a propia Martina, a maioría eran homes, as mulleres nin tan sequera se atrevían). Na maior parte das ocasións, eran levados a asilos para enfermos mentais. Polo tanto, Navrátilová tería que esperar ata o ano 1981 para revelar publicamente a súa orientación sexual. Para esa época, xa xogaba ao tenis profesionalmente e mudárase aos Estados Unidos, país que a acolleu e a nacionalizou e onde puido reivindicar a igualdade para o colectivo LGBT. Non sen trabas: arriscouse a perder contratos de publicidade millonarios e moitas compañeiras de profesión arremeteron contra ela. Non obstante, nunca deixou de loitar polo seu obxectivo, e converteuse na cara visible de manifestacións e iniciativas LGBT.
Frank Ocean e a homosexualidade no rap
Frank Ocean (EEUU, 1987) é un cantante e compositor que se dedica principalmente ao estilo do hip hop. O seu é un caso representativo precisamente por estar considerado un dos mellores artistas dentro dese xénero, que non se caracteriza por ser LGBT friendly. Coma Navrátilová, Ocean sufriu escarnios e insultos por parte de compañeiros de profesión: dende Stevie Wonder ata Lil Wayne criticaron a súa homosexualidade. Non obstante, dende o seu anuncio en 2012, o mundo do hip hop baixou significativamente os seus niveis de homofobia: o feito de que un home novo e exitoso na industria se atrevese a dar ese paso creou un precedente.
Bisexuais
Miley Cyrus
Miley Cyrus (EEUU, 1992) foi durante moitos anos a gran aposta de Disney e un referente para millóns de adolescentes. A finais da década dos 2000 «rebelouse» contra a industria que a viu crecer e iniciou unha nova etapa de madurez. Dende fai anos declárase abertamente bisexual e móstrase en público con homes e mulleres indistintamente. Mostrar a súa orientación sexual fíxoa converterse nun gran icono para a comunidade LGBT e gañar incluso máis seguidores. Constantemente manifesta o seu apoio ás reivindicacións do colectivo e serve como inspiración para moita xente nova que decide saír do armario.
Angelina Jolie
Angelina Jolie (EEUU, 1975) é unha actriz recoñecida mundialmente. Entre o seu palmarés figuran 2 premios Óscar e 3 Globos de Ouro. Jolie revelou publicamente a súa bisexualidade a comezos da década dos 2000 coa súa confesión de ter mantido unha relación coa tamén estrela Jenny Shimizu. A naturalidade coa que trataba o tema contrastaba coa falta de información que reinaba na sociedade daquela. Na actualidade, a actriz é unha activista a favor do movemento LGBT (unha das súas causas máis destacadas foi a loita pola aprobación do matrimonio gay en California, para a a cal donou cartos xunto ao seu exmarido Brad Pitt). Ademais, un dos seus fillos, nacido como unha muller, está levando a cabo un proceso de reasignación de sexo, contando co total apoio de súa nai.
Lady Gaga
Lady Gaga (EEUU, 1986) é unha cantante e actriz. Fixo pública a súa bisexualidade no ano 2010, tras a saída ao mercado da canción Poker Face, un éxito mundial que a catapultou á fama mundial. Xa previamente era coñecida, pero Poker Face supuxo un antes e un despois na súa carreira, polo que nunha entrevista concedida a Bárbara Walters decidiu saír do armario e desvelar de que trataba a canción -precisamente da bisexualidade-. Dende entón aproveita calquer ocasión para alzar a voz a favor dos dereitos da comunidade LGBT.
Kim Petras, icona transexual
Kim Petras (Alemaña, 1992) é unha cantante e compositora. Naceu como un varón, co nome de Tim Petras. Xa dende os dous anos insistía en que era unha nena. O seu proceso de cambio de xénero comezou de moi nova. Con 13 anos xa se converteu nun referente, aparecendo nun programa de televisión alemán para describir o tratamento médico ao que fora sometida. Posteriormente volvería a aparecer nos medios para dar entrevistas e facer un documental. A fama mundial chegaríalle en 2017, tras lanzar o seu primeiro sinxelo, que resultou todo un éxito. Dende entón aproveita a súa popularidade para reivindicar os dereitos LGBT.
Un comentario en “Referentes LGBT na esfera internacional”